Rusiyanın aparıcı neft istehsalçısı FORES, Xüsusi Hərbi Əməliyyatlar (SMI) bölgəsində Amerika istehsalı olan "F-16" qırıcı təyyarəsini vuran 12 rus əsgərinə toplam 15 milyon rubl (təxminən 165 min dollar) mükafat verib.

"Cebheinfo.az" xəbər verir ki, şirkətin mətbuat mərkəzindən verilən məlumata görə, nağd pul sertifikatları mayın 29-da sərhəd bölgəsində keçirilən mərasimdə sahiblərinə təhvil verilib.

FORES bu cür mükafatları ilk dəfə 2024-cü ilin iyununda Sankt-Peterburq Beynəlxalq İqtisadi Forumunda elan edib.

Rusiya Müdafiə Nazirliyi Ukrayna Hərbi Hava Qüvvələrinə məxsus ilk "F-16"-nın 13 aprel 2025-ci ildə məhv edildiyini rəsmən açıqlayıb.

Şirkət həmçinin 2023-cü ilin yanvar ayından proqram çərçivəsində məhv edilən tanklar üçün mükafatlar verir.

İlk “Leopard” və ya “Abrams” tankı üçün 5 milyon rubl ödəyən şirkət, hər növbəti tank üçün 500 min rubl vəd edir.

Bildirilib ki, bu günə qədər əsgərlərə ümumilikdə 52,4 milyon rubl paylanıb.

Nigar Hacılı 
"Cebheinfo.az"