Rusiyalı turistlərin hazırda Türkiyədə uşaqsız, daha sakit otellərə maraq göstərdiyi bildirilir.

"Cebheinfo.az" Rusiyanın “Noviye İzvetsiya” portalına istinadən xəbər verir ki, Türkiyə uzun müddətdir ruslar arasında uşaqlı ailələr üçün ideal istirahət məkanı kimi tanınsa da, indi getdikcə daha çox istirahət edənlər dinclik və sakitlik axtarışında “yalnız böyüklər üçün” otelləri seçirlər. 

Bu tip otellər gün ərzində səhər yoqa seanslarından tutmuş hovuz kənarındakı kokteyllərə qədər müxtəlif bayram tətilini təklif edir.

"Coral Travel", "FUN&SUN" və "PEGAS Touristik" kimi tur operatorlarının verdiyi məlumata görə, bu otellər 16 yaşdan yuxarı qonaq qəbul edərkən, bəzi obyektlər 12 yaşdan yuxarı qonaq qəbul edə bilir.Uşaqlardan tamamilə imtina etmək istəməyənlər varsa, bir çox ailə otellərində də böyüklər üçün ayrılmış sakit restoranlar, SPA və hovuzlar var.

"TürkRus"-da yer alan xəbərə görə, ən çox böyüklər üçün otel Antalya sahillərində, xüsusilə Side, Alanya, Kemer və Belekdə yerləşir. Egey sahillərində isə Fethiye və Marmaris seçilir.

Bununla belə, digər istiqamətlərlə müqayisədə Türkiyə hələ də “hər şey daxil” tətil konseptində liderdir. "SlietayRu"nun məlumatlarına görə, yay tətili üçün Türkiyəni seçən rusiyalı turistlərin 90 faizindən çoxu hər şey daxil otelləri seçir. 

Əksinə, Birləşmiş Ərəb Əmirliklərində bu nisbət yalnız 25 faizdir, Avropanın bir çox ölkəsində səhər yeməyi daxil olmaqla və ya tamamilə müstəqil yerləşdirməyə üstünlük verilir. Məsələn, İtaliyada turistlərin 72,7 faizi yalnız səhər yeməyi, 18,2 faizi isə heç bir yemək daxil olmayan variantları seçir.

Nigar
"Cebheinfo.az"