Misirdəki arxeoloqlar 4400 illik bir şahzadənin məzarını aşkar ediblər.

Onun dəfn yerində nəhəng ruhların girib çıxmasına icazə verən çəhrayı qapı olub.

Türbə təxminən eramızdan əvvəl 2465-2458-ci illərdə, Misirin Beşinci sülaləsi dövründə (e.ə. 2465-2323-cü illər) hökmranlıq edən Şahzadə Userefreyə məxsusdur. 

“Cebheinfo.az” xəbər verir ki, yaşkar edilən qapıda onun “vəliəhd şahzadə” və həmçinin “hakim, nazir, iki vilayətin qubernatoru və din xadimi” olduğuna dair yazılar var.

“Çəhrayı qranitdən hazırlanmış nəhəng saxta qapının hündürlüyü təxminən 4,5 metr, eni isə 1,2 metrdir”, - deyə Misirin Turizm və Qədim Əsərlər Nazirliyinin açıqlamasında bildirilir.

Qədim Misirdə qəbirlərdə yalançı qapılara tez-tez rast gəlinirdi, çünki misirlilər ölülərin ruhlarının oradan girib çıxa biləcəyinə inanırdılar.

Mütəxəssislərin dediyinə görə, qapı nəhəng ölçüdədir və çəhrayı qranitdən hazırlanıb.

"Bu, Saqqarada ilk dəfədir ki, belə bir saxta qapı tapılır",-deyə  məzarda qazıntılara rəhbərlik edən keçmiş antik əşyalar naziri Zahi Havass “Live Science”-ə deyib.

Onun mühüm titullara malik bir şahzadə statusu belə bir  qapının niyə tikildiyini izah edir.

Xəzər
“Cebheinfo.az”