Rusiya xarici işlər naziri Sergey Lavrov Xarici İşlər Nazirliyinin Diplomatik Akademiyasında keçirilən 12-ci Səfirlər Dəyirmi Masası zamanı söhbətdən yayınaraq söyüş söyüb.

"Cebheinfo.az" xəbər verir ki, onun çıxışı Rusiya XİN-in sosial media hesabında yayımlanıb.

Kadrlarda Rusiya xarici işlər nazirinin sağında oturan həmsöhbətlə danışdığı, aparıcının isə jurnalistlər arasında suallar vermək istəyənləri axtardığı görünür. Lavrov həmsöhbətinə müraciət edərək deyir:

"Təxmin etdiniz, bu kifayətdir". 

Daha sonra aparıcı Yəməndən olan bir jurnalisti mikrofona çağırır.

Xarici işlər naziri həmsöhbətinə "Xeyr (söyüş söyür), ...cəhənnəmə kimi", - deyib və sonra üzünü media mənsublarına tutub.

2016-cı ildə Lavrov bir jurnalisti söyüb. Rusiya diplomatiyasının rəhbəri onu çəkən jurnalistdən soruşub:

"Nə istəyirsiniz?" Sonra o, yoluna davam edərək rus dilində deyib: "Debillər!"

"Cebheinfo.az"