Bu ölkədə benzinin qiyməti artıb

Bu ölkədə benzinin qiyməti artıb

Ötən il Rusiyada benzinin qiyməti 11,13 % artıb.

"Cebheinfo.az" xəbər verir ki, bu barədə Rusiya Federal Statistika Xidməti (Rosstat) məlumat yayıb. 

Bildirilib ki, bu artım 2023-cü ildəki 9,52 % inflyasiya səviyyəsini üstələyib.

2025-ci il yanvarın 1-dən martın 10-na kimi isə benzinin qiymətləri 1,39% artıb. Martın 10-na orta qiymətlər aşağıdakı kimi müəyyən edilib:

*Benzinin orta qiyməti: 59,20 rubl/litr (martın 3-də 59,10 rubl idi).
*AI-92: 56,02 rubl/litr (əvvəlki həftə 55,93 rubl).
*AI-95: 61,18 rubl/litr (əvvəlki həftə 61,06 rubl).
*AI-98: 83,80 rubl/litr (əvvəlki həftə 83,78 rubl).

İlin əvvəlindən dizel yanacağının (DT) qiymətləri 1,16% artıb. Martın 10-na olan məlumata görə, litrin orta qiyməti 70,99 rubl təşkil edib.

Rusiya hökuməti daxili bazarda qiymət sabitliyini təmin etmək məqsədilə benzinin ixracına qoyulan qadağanın müddətini avqustun 31-dək uzadıb.

Rusiya Energetika Nazirliyinin məlumatına görə, dizel yanacağının qiymətinin qalxması aşağıdakılarla bağlıdır:

• Qış dizel yanacağı növlərinə keçid
• Avtomobil daşımalarında artım.

Səlahiyyətlilər bildirirlər ki, bazar konyunkturasını nəzarətdə saxlamaq üçün əlavə tədbirlər görülə bilər.

Nigar Hacılı 
"Cebheinfo.az"