Rusiya Xarici İşlər Nazirliyinin verdiyi açıqlamaya görə, Rusiya ilə Oman arasında qarşılıqlı viza imtiyazı barədə imzalanan razılaşma 18 iyul tarixində qüvvəyə minir.

"Cebheinfo.az" xəbər verir ki, bu razılaşma çərçivəsində hər iki ölkənin vətəndaşları 90 günədək olan səfərləri üçün artıq viza almaq məcburiyyətində olmayacaqlar.

Razılaşmanın detalları göstərir ki, turizm, işgüzar səfərlər və ya ailə görüşləri məqsədilə edilən səfərlərdə viza tələbi ləğv ediləcək.

Diplomatik, xidməti və adi pasport daşıyıcıları bu tətbiqdən yararlana biləcəklər. Vizasız qalma müddəti isə 90 günlə məhdudlaşdırılıb.

Bu inkişafın iki ölkə arasındakı ticarət həcmini və turizm axınını artıracağı gözlənilir.

Rusiyalı turistlər üçün Omanın mavi sahilləri və səhra safari turları daha cəlbedici hala gələcək, Ommanlı iş adamlarının isə Rusiyanın enerji və infrastruktur layihələrinə çıxışı asanlaşacaq.

Mütəxəssislər bildirirlər ki, bu addımdan sonra birbaşa uçuşların artırılması da gündəmə gələ bilər.

Rusiya üçün bu razılaşma, Qərbin sanksiyalarından sonra yeni qlobal tərəfdaşlar axtarışının bir hissəsi kimi qəbul edilir və Omanın neytral xarici siyasəti ilə uyğunluq təşkil edir.

İki ölkə arasında münasibətlərin inkişafı istiqamətində atılan bu addımın gələcəkdə vizasız qalma müddətinin artırılması, ticarət müqavilələrinin müxtəlifləşdirilməsi və mədəni əməkdaşlıq proqramlarının genişləndirilməsi kimi yeni inkişaflara qapı aça biləcəyi düşünülür.

Nigar Hacılı 
"Cebheinfo.az"