Konnektikut Universitetinin amerikalı alimləri qozda güclü xərçəng əleyhinə xüsusiyyətlər aşkar ediblər. 

Məlum olub ki, bu məhsulun müntəzəm istifadəsi orqanizmdə iltihabi prosesləri yatırır və kolon xərçəngi riskini azaldır. 

“Cebheinfo.az” xəbər verir ki, tədqiqat “Cancer Prevention Research” (CPR) elmi jurnalında dərc olunub.

Klinik təcrübə zamanı mütəxəssislər risk qrupundan olan 39 xəstəni müşahidə ediblər. İştirakçılar üç həftə ərzində nəzarət edilən pəhrizin bir hissəsi olaraq hər gün qoz yeyiblər. 

Nəticələr qanda iltihabi markerlərin əhəmiyyətli dərəcədə azaldığını göstərib - 15-25 %. Xüsusilə nəzərə çarpan təsir obez xəstələrdə müşahidə edilib.

Əsas kəşf qoruyucu fəaliyyət mexanizminin müəyyən edilməsi idi. Məlum olub ki, qozun tərkibindəki ellagitanninlər bağırsaq bakteriyalarının təsiri ilə güclü iltihab əleyhinə birləşmə olan urolitin A-ya çevrilir. Bu maddə təkcə iltihabı azaltmır, həm də xərçəng əleyhinə xüsusiyyətlərə malik olan YY peptidinin istehsalını təşviq edir.

"Bütün insanlar qoz-fındıqları eyni şəkildə həzm etmirlər. Ancaq gündə bir ovuc qoz belə bağırsaq sağlamlığını dəstəkləmək üçün sadə və sərfəli bir yol ola bilər", - tədqiqata rəhbərlik edən doktor Daniel Rosenberq deyib.

Tədqiqatçılar vurğulayırlar ki, qoz xərçəngin qarşısının alınmasında vəd versə də, müntəzəm tibbi müayinələri əvəz etmir. Kolonoskopiya 45 yaşdan yuxarı insanlar üçün xüsusilə vacibdir.

Xəzər
“Cebheinfo.az”