ABŞ Prezidenti Donald Trampın xüsusi nümayəndəsi Stiven Uitkoff yenidən Rusiyaya səfər edə bilər.

“Qafqazinfo” xəbər verir ki, bu barədə məlumatı “The Wall Street Journal” qəzeti yayıb. 

Səfərin bu həftə Londonda ABŞ, Ukrayna və Avropa nümayəndələri arasında keçiriləcək danışıqlardan sonra baş tutacağı bildirilib. 

Qeyd olunub ki, sözügedən görüşdə ABŞ tərəfindən, həmçinin Dövlət katibi Marko Rubio və Ukrayna üzrə xüsusi nümayəndə Kit Kelloq da iştirak edəcək. 

Məlumata görə, danışıqlar zamanı ABŞ, Ukrayna və Avropa İttifaqının nəzər nöqtələri üst-üstə düşərsə, Uitkoff yenidən Rusiyaya rəsmi səfərə yollana bilər.

Xatırladaq ki, S.Uitkoff sonuncu dəfə aprelin 11-də Rusiyaya səfər etmişdi.

"Cebheinfo.az"