Çinin Ticarət Nazirliyi bildirib ki, əgər digər ölkələr ABŞ ilə Çinə zərər verəcək iqtisadi sazişlər bağlayarsa, Pekin buna dərhal cavab verəcək.

"Cebheinfo.az" xəbər verir ki, Çinin Ticarət Nazirliyi Vaşinqtonun tariflərdən sui-istifadə etdiyini bildirərək, digər ölkələrə ABŞ ilə Çinə zərər verəcək hərtərəfli iqtisadi sövdələşmələr etməmələri barədə xəbərdarlıq edib.

Bəyanatda Çin əleyhinə olacaq hər hansı razılaşmaya cavab veriləcəyi bildirilib.

Bu açıqlama Tramp administrasiyasının bəzi ölkələrə Çinlə ticarətini məhdudlaşdırmaq üçün təzyiq göstərdiyinə dair iddialara cavab olaraq verilib.

“ABŞ bütün ticarət tərəfdaşlarına qarşı tariflərdən sui-istifadə edir və bütün tərəfləri “qarşılıqlı tarif” deyilən danışıqlara məcbur etməyə çalışır”, - Çin Xarici İşlər Nazirliyinin sözçüsü bildirib.

Pekin çərşənbə günü Birləşmiş Millətlər Təşkilatının Təhlükəsizlik Şurasının qeyri-rəsmi iclasını keçirəcək və ABŞ-ni qlobal sülh və inkişaf səylərini pozmaq üçün tarifləri silahlandırmaqda ittiham edəcək.

Nigar Hacılı 
"Cebheinfo.az"