Ermənistanın Baş nazirinin mətbuat katibi Nazeli Bağdasaryan mayın 9-da Moskvada Ermənistanın Baş naziri Nikol Paşinyan, Rusiya Prezidenti Vladimir Putin və Azərbaycan Prezidenti İlham Əliyevin iştirakı ilə üçtərəfli görüşün planlaşdırıldığı barədə mətbuatda yayılan xəbərləri təkzib edib.

“Mayın 9-na üçtərəfli formatda - Paşinyan-Putin-Əliyev formatında heç bir görüş nəzərdə tutulmayıb”. 

“Cebheinfo.az”-ın məlumatına görə, Nazeli Baqdasaryan “Armenpress”ə müsahibəsində belə deyib.

Qeyd edək ki, Rusiya Prezidenti Vladimir Putinin mayın 9-da Moskvanın “Qırmızı Meydan”ında paraddan əvvəl Ermənistanın Baş naziri Nikol Paşinyan və Azərbaycan Prezidenti İlham Əliyevlə görüşəcəyi barədə mətbuatda məlumatlar yayılıb.

Ermənistanın Baş naziri Nikol Paşinyan martın 14-də Rusiya Prezidenti Vladimir Putinlə telefon danışığında onun dəvətini qəbul etdiyini və mayın 9-da Moskvada keçiriləcək bayram mərasimlərində iştirak edəcəyini təsdiqləyib. 

Müşfiq Abdulla 
“Cebheinfo.az”