Son günlər “WhatsApp” messencer platformasında Daxili İşlər Nazirliyi adından göndərildiyi iddia edilən xəbərdarlıq mesajları yayılıb.

Belə ki, sözügedən mesajda vətəndaşlardan diqqətli olmaları, mənzillərin ətrafında özlərini daxili işlər işçisi kimi təqdim edən bir qrup şəxsə inanmamaları vurğulanıb.

Məsələ ilə bağlı Daxili İşlər Nazirliyindən “Cebheinfo.az”-ın sorğusuna cavab olaraq bildirilib ki, vatsap qruplarında qurum adından yayılan xəbərdarlıq məzmunlu mətnlər feykdir:

“Eləcə də, həmin məlumat köhnədir. Zamanında bununla bağlı rəsmi açıqlama verilib”.

"Daxili İşlər Nazirliyinin mesajı:
Hörmətli vətəndaşlar, məlumatınız üçün:
Təhlükəsizlik Xəbərdarlığı:
*Xəbərdar olmanızı xahiş edirik ki, özlərini polis işçisi kimi təqdim edərək qapı-qapı gəzən bir qrup insan var.  Onların əllərində Daxili İşlər Nazirliyinin rəmzləri olan sənədlər və blanklar var və qarşıdan gələn “əhali siyahıyaalınması” öncəsi bütün sakinlərin etibarlı şəxsiyyət vəsiqələrinin olub-olmadığını yoxlamalı və biometrik məlumat götürməli olduqlarını iddia edirlər.  Təqdim olunan görünürlər.  Onlar Daxili İşlər Nazirliyinin formasını geyinə bilərlər.
Onlar sizin fotoşəkilinizi/barmaq izinizi "bəzi sxemin bir hissəsi kimi" çəkmək niyyətini bildirirlər.  Yanlarında noutbuk, biometrik cihaz və sakinlərin siyahısı var.  Bu siyahını göstərirlər və bütün bu məlumatları tələb edirlər.
Nəzərinizə çatdırırıq ki, hökumət tərəfindən belə təşəbbüslər yoxdur.  Zəhmət olmasa heç bir biometrik məlumat verməyin!  Qapını açma!  Onları evə buraxma!!  Oğurluq və saxtakarlıq edə bilərlər!
Dövlət qurumlarında rəsmi prosedurlar olmadan heç bir məlumat verməyin.  Ayıq olun!
Bu mesajı icmanızdakı hər kəsə göndərin.  Zəhmət olmasa ailənizə və dostlarınıza məlumat verin.  Yaşlı valideynlərinizi və dostlarınızı xəbərdar edin".

Gülər
“Cebheinfo.az”