ABŞ-nin Arizona ştatında ilginc istintaq prosesi gedir.

Belə ki, federal prokurorlar ilk dəfə 2024-cü ilin martında Harvard alimləri Peter Ajak və Abraham Kiçi vətənləri Cənubi Sudana hökuməti devirmək üçün qanunsuz silah ixracında ittiham ediblər.

“Cebheinfo.az” xəbər verir ki, hər iki şəxs özünü təqsirli bilməyib.

Prokurorlar deyirlər ki, işdə “Jane Street Group” ticarət firmasının həmtəsisçisi Robert Qranyerinin də adı çəkilir. Onu Cənubi Sudanda dövlət çevrilişi üçün AK-47, Stinger raketləri və qumbaraatan almaq planını maliyyələşdirmək üçün aldadıblar. 53 yaşlı Qranyeri 2024-cü ilin fevralında Ajakla görüşdükdən sonra iki ödənişlə 7 milyon dollar verib. “The New York Post” və  “Bloomberg”-in məlumatına görə, Ajakın vəkilləri Qranyerinin bu maliyyələşdirməsinin "plan üçün həyati əhəmiyyət kəsb etdiyini" söyləyiblər.

Mayın 29-da  onlar iddia ediblər ki, onun dəstəyi olmasaydı, iddia edilən planın icrası mümkün olmayacaqdı.

Qranyerinin vəkili iddia edir ki,  inandığı Ajak onu aldadıb.

İşdə şahmat üzrə dünya çempionu Harri Kasparovun da adı çəkilir. O, təqsirləndirilən şəxs deyil və ya hər hansı qanunsuzluqda ittiham olunmur. İddiaya görə, Ajakı Qranyeri ilə İnsan Haqları Fondu ilə işi ilə əlaqələndirən məhz Kasparov olub.

ABŞ-də məskunlaşan Ajak Cənubi Sudanda müxalifət fəalı olmamışdan əvvəl Harvard Kennedi Məktəbində oxuyub və Dünya Bankında iqtisadçı kimi çalışıb.

Mayın 29-da verilən vəsatətdə deyilir ki, o, həbs edilməzdən əvvəl Feniks anbarında gizli agentlə görüşüb və silahlara baxış keçirib.

Xəzər
“Cebheinfo.az”