Corciya Universitetinin amerikalı alimləri yeniyetmələrin yuxu keyfiyyəti ilə onların beyinlərinin işləməsi arasında qorxulu əlaqə olduğunu müəyyən ediblər. 

Məlum olub ki, xroniki yuxusuzluq özünü idarə etmək, qərar qəbul etmək və emosional tənzimləmədən məsul olan prefrontal korteksdə sinir əlaqələrinin effektivliyini azaldır. 

“Cebheinfo.az” xəbər verir ki, araşdırma “Brain and Behavior” (B&B) elmi jurnalında dərc olunub.

Təcrübə zamanı 2800-dən çox yeniyetmə iki həftə ərzində yuxuya nəzarət etmək üçün fitnes-treker taxıb, bundan sonra beyin MRT müayinəsindən keçib. İştirakçıların valideynləri övladlarının davranış xüsusiyyətləri haqqında məlumat verdilər.

Nəticələr aydın korrelyasiya göstərdi: yuxu nə qədər pis və qısa olsa, beynin əsas sahələri arasında funksional əlaqələr bir o qədər zəifdir.
Oğlanların, yaşlı yeniyetmələrin və irqi azlıqların nümayəndələrinin yuxusuzluqdan daha çox əziyyət çəkmələri, daha aydın davranış problemləri nümayiş etdirmələri tədqiqatçıları xüsusilə narahat edib.

Aparıcı müəllif Asəf Oşrinin fikrincə, yeniyetməlik beynin inkişafı üçün kritik bir dövrdür: 

“O zaman yuxu olmaması qartopu effektinə səbəb ola bilər, bu da tədricən koqnitiv funksiyaların və emosional tənzimləmənin pisləşməsinə gətirib çıxarır”.

Alimlər gələcəkdə potensial davranış və psixi sağlamlıq problemlərinin qarşısını almağa kömək edəcək yeniyetmələr üçün xüsusi yuxu gigiyenası proqramlarının hazırlanmasının zəruriliyində israr edirlər.

Xəzər
“Cebheinfo.az”