Venesuela Milli Məclisinin sədri Jorge Rodrigez bildirib ki, iyunun 24-də Venesuelanı vuran güclü zəlzələlər nəticəsində azı 774 bina zədələnib və ya tamamilə dağılıb.

"Cebheinfo.az" xəbər verir ki, ölkənin İnformasiya və Kommunikasiya Nazirliyinin yaydığı açıqlamaya görə, təbii fəlakət 2 500-dən çox bina və infrastruktur obyektinə zərər vurub.

Rodriges “Zədələnmiş və ya dağılan binaların sayı 774-ə yüksəlib”,- deyib. Onlardan 189-nun tamamilə çökdüyünü bildirib.

İyunun 24-də Venesuelada ardıcıl iki güclü zəlzələ baş verib. ABŞ Geoloji Araşdırmalar Mərkəzinin məlumatına görə, ilk zəlzələnin maqnitudası 7,2, ikinci zəlzələnin isə 7,5 olub. Güclü yeraltı təkanlardan sonra 500-dən çox afterşok qeydə alınıb.

Venesuela rəsmilərinin son məlumatına əsasən, ölənlərin sayı 1450-yə yüksəlib, 3 200-dən çox yaralı isə xəstəxanalara yerləşdirilib.

Zəlzələlər nəticəsində çoxsaylı yaşayış binaları dağılıb, infrastruktur və xəstəxanalar ciddi zərər görüb. Ölkənin əsas hava limanı da fəaliyyətini dayandırıb.

Nigar Hacılı 
"Cebheinfo.az"