Sərhədin delimitasiyası prosesi hələ də dayanmır, Ermənistan və Azərbaycan baş nazirlərinin müavinləri səviyyəsində işçi qrupları əlaqə saxlayır və irəliləmək üçün işlərini davam etdirirlər.

Yenisabah.az Armenian News-a istinadla xəbər verir ki, bunu Ermənistan Təhlükəsizlik Şurasının katibi Armen Qriqoryan deyib.

O bildirib ki, sərhədin 12,7 kilometri delimitasiya olunub, orada sərhəd qoşunları yerləşdirilib və son 5 ildə bu ərazilərdə cəmi bir insident qeydə alınıb.

“Biz sərhəd qoşunlarının yerləşdirilməsi və digər ərazilərdə də sabitliyin bərqərar olması üçün delimitasiyanı davam etdirmək üçün Azərbaycanla işləyirik”, - Qriqoryan əlavə edib.

O izah edib ki, son razılaşmaya əsasən, delimitasiya Ermənistan, Gürcüstan və Azərbaycan sərhədinin kəsişməsindən “bir qədər aşağıda” olan hissədən davam edəcək.

"Cebheinfo.az"