"Biz Azərbaycandan olan əziz qardaş və bacılarımızın İran vasitəsilə Naxçıvan bölgəsinə daxil olması üçün İrana gedən marşrutu hazırlayırıq".

"Cebheinfo.az" xəbər verir ki, bunu AzTV-yə müsahibəsində İran prezidenti Məsud Pezeşkian bildirib.

- Cənab Prezident, Zəngəzur dəhlizinin İran üçün müxtəlif aspektləri var. Bu həm də Azərbaycan üçün çox vacibdir, ən azı Azərbaycanın iki hissəsi arasında quru əlaqəsi yaratması baxımından. Yuxarıdakıları nəzərə alaraq, bu problemi həll etmək üçün hansı həll yolunu təklif edirsiniz? İslam Respublikasının bu dəhlizə baxışı necədir?

- Bax, birinci dediyim odur ki, bir-birimizin ərazi bütövlüyünə hörmətlə yanaşmalıyıq, torpaq istəyimiz olmamalıdır. Bu, birinci və ən vacib qaydadır.

Azərbaycanla Ermənistan arasında sərhəd və ərazi məsələləri o zaman həll oluna bilər ki, iki ölkə arasında siyasi və ticarət əlaqələri hər iki tərəfin hüquqları nəzərə alınmaqla həll olunsun.

Problemin həllinə kömək etmək üçün indi gördüyümüz iş ondan ibarətdir ki, biz Azərbaycandan olan əziz qardaş və bacılarımızın İran vasitəsilə Naxçıvan bölgəsinə daxil olması üçün İrana gedən marşrutu hazırlayırıq. Orada yol və dəmir yolu tikintisi işləri sürətlə gedir. Razılaşdıq, Allah qoysa, Azərbaycanla Naxçıvan arasında əlaqənin qurulmasında heç bir problem olmayacaq. Biz İranı azərilərin ikinci vətəni hesab edirik. Nə vaxt bizim torpağımıza ayaq bassalar, bu bizim üçün xeyir-dua olar.

- Astara-Astara dəmir yolu xəttinin fəaliyyətindən danışım. İran Şimal-Cənub dəhlizindən nə gözləyir? İki ölkə arasında quru və dəmir yolu nəqliyyatının inkişafı sahəsində hansı planlar ola bilər? Bu planlar hansı əməliyyat mərhələsindədir?

- Yollar sosial həyatın magistral yollarıdır. Yollar insanın ürəyi və qan damarlarına bənzəyir, əslində insanların yaşamasının səbəbi budur. İstər qatar, istər magistral və ya hər hansı digər marşrut olsun, bunların hamısı inkişaf və mükəmməlliyə aparan yollardır.

Bu baxımdan, Astaranı Astaraya, həmçinin Astaranı Rəştə birləşdirməyə xüsusi diqqət yetiririk və orada dəmir yolu xəttinin həyata keçirilməsi də bizim gündəliyimizdədir.

Bu marşrutlar bizimlə Azərbaycan arasında ticarət, mədəni və iqtisadi əlaqələri gücləndirə bilər. İkinci məqam ondan ibarətdir ki, Azərbaycan Rusiyanın İrana, oradan da İrandan Fars körfəzinə gəlməsi üçün tranzit marşrut ola bilər. İran həm də Azərbaycan mallarının və məhsullarının bütün dünyaya ixracı üçün tranzit marşrut ola bilər.

Nəticə etibarı ilə biz İran tərəfi olaraq bu marşrutları sürətlə tikirik ki, hazır olsun və sonra bu məsələni əziz qardaşımız, Azərbaycanın möhtərəm prezidenti ilə razılaşdırıb Şimal-Cənub marşrutunu və daxili marşrutu tez bir zamanda yekunlaşdırıb, hərəkətlərimizi asanlaşdıracağıq.

"Cebheinfo.az"