DÇ-2026-nın qrup mərhələsinin 2-ci turu çərçivəsində Özbəkistanla qarşılaşacaq Portuqaliya millisinin kapitanı Kriştianu Ronaldo sosial mediada gülüş obyektinə çevrilib.

“Yeni Sabah” xəbər verir ki, “Facebook”da 5 milyondan çox izləyicisi olan və futbolçularla bağlı sarkazm məzmunlu kontentlər paylaşan “Body Animation” səhifəsi 41 yaşlı ulduzun guya Özbəkistana 12 qol vurması ilə bağlı foto hazırlayıb. Gülməli məqam isə Ronaldonun bütün qolları penaldan vurması olub.

Buna səbəb portuqaliyalı futbolçunun kariyerası boyunca bir çox penalti qolu vurmasıdır. Həmin fakt “anti-Ronaldoçular” üçün məsxərə obyekti sayılır. 

Ronaldonun mundialın ilk matçında Konqo qarşısında göstərdiyi performans ciddi tənqidlərə səbəb olmuşdu.

"Cebheinfo.az"