Ermənistan öz sülhməramlılarını Kosovodan çıxarmayacaq, baxmayaraq ki, baş nazir Nikol Paşinyan əvvəllər "Ermənistan ordusunun Ermənistan Respublikasının beynəlxalq səviyyədə tanınmış ərazisindən kənarda həll edilməli olan heç bir vəzifəsi yoxdur" deyib.

Yenisabah.az Sputnik Armenia-a istinadla xəbər verir ki, bunu Ermənistan XİN bildirib.

Nazirliyin izahına görə, beynəlxalq sülhməramlı missiya sülhün təmin edilməsinə yönəlib və Ermənistan sülh gündəliyinə sadiqdir:

"Bu, təkcə Cənubi Qafqazı deyil, həm də beynəlxalq ictimaiyyəti narahat edir. Ermənistan Respublikası Kosovoda sülhməramlı missiyada iştirak etməklə Balkan regionunda gərginliyin azaldılması və sabitliyin təmin edilməsi üzrə beynəlxalq səylərə töhfə verir”.

Qeyd edək ki, erməni sülhməramlıları Livanda BMT-nin UNIFIL missiyası çərçivəsində də tapşırıqları yerinə yetirirlər.

"Cebheinfo.az"