Hindistan Kəşmir bölgəsindəki hücumdan sonra turistik yerləri ictimaiyyət üçün bağlayıb.

"Cebheinfo.az" xəbər verir ki, 26 turistin öldürüldüyü hücumdan sonra Hindistan hücum edənlərdən ikisinin Pakistanla əlaqəli yaraqlılar olduğunu müəyyən edib. Pakistan ittihamları rədd edib və qərəzsiz araşdırmaya çağırıb.

Əhalisi əsasən hindulardan ibarət olan Hindistan Kəşmirdəki zorakılıqların arxasında Pakistanın maliyyə və dəstək verdiyini iddia edir.

Pakistan isə Kəşmir xalqının öz müqəddəratını təyinetmə hüququ tələbinə yalnız mənəvi və diplomatik dəstək verdiklərini iddia edir.

Hücumdan sonra nüvə silahına malik iki ölkə arasında gərginlik sürətlə artıb. Pakistanın müdafiə naziri deyib ki, “genişmiqyaslı Hindistan hücumu” qaçılmazdır.

Hindistan Pakistanla əsas su bölgüsü sazişini dayandırdı və Pakistan hava məkanını Hindistana bağladı.

Hindistanın Cammu və Kəşmir hökuməti 87 turistik yerdən 48-ni bağlamaq və qalan ərazilərdə təhlükəsizlik tədbirlərini gücləndirmək qərarına gəlib.

O vaxtdan bəri münaqişə dayanmadan davam edir. Sərhəd boyu hərbi birləşmələr və kiçik miqyaslı silahlı toqquşmalar baş verib, baxmayaraq ki, tərəflərdən heç biri ölən və yaralananlar barədə məlumat verməyib.

Ərazinin turistlər üçün nə qədər müddətə bağlı qalacağı bildirilməyib. 

Hökumət rəsmiləri şərh tələblərinə cavab verməyib.

Nigar Hacılı 
"Cebheinfo.az"