Biləsuvarda kişi qadının şantajına görə intihara cəhd edib

"Cebheinfo.az" Bakupost.az-a istinadən xəbər verir ki, Biləsuvar rayonunda kişi qeyri-rəsmi münasibətdə olduğu qadının şantajına görə özünü öldürmək istəyib.

Hadisə mayın 28-də gecə saatlarında baş verib. Məlumata görə, rayon sakini Elvin Mirişov 2017-ci ildən qeyri-rəsmi nikah münasibətində olan qadının ona qarşı səsləndirdiyi ittiham və təzyiqlərə dözməyərək üzərinə yandırıcı maye tökərək intihara cəhd edib.

Qadın onu başqa xanımlarla münasibətdə ittiham edirmiş.

Ətrafda olan şəxslər hadisəyə müdaxilə edərək yanğının qarşısını alıblar və o, xəstəxanaya yerləşdirilib.

Bildirilib ki, onların bir övladı var.

Faktla bağlı hüquq-mühafizə orqanlarında araşdırma aparılır.

"Cebheinfo.az"