“Qəbələ Yazarlarına Dəstək” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin  maliyyə dəstəyi ilə “Qəbələ gənclərinin yaradıcılıq imkanlarının  artırılması”  layihəsinin icrasını uğurla davam etdirir. 

Layihə çərçivəsində 11.06-2025-ci il tarixində Qəbələ  Dövlət  Peşə Təhsili Mərkəzində 20 nəfər yaradıcılıqla məşğul olmaq istəyən benefisarlar üçün təlim təşkil edilmişdir. 

Təlimi giriş sözü ilə layihə rəhbəri Rəna Mahmudova açaraq, Vətən müharibəsində canlarından keçmiş şəhidlərimiz bir dəqiqəlik sükutla yad edilmişdir. Sonra layihə rəhbəri “Qəbələ Yazarlarına Dəstək” ictimai birliyinin missiyasından və fəaliyyətindən danışmış, donor və layihənin   məqsəd və məramı barədə iştirakçılara məlumat vermişdir. Benefisarları təlimdə aktiv iştirak etməyə təlim müddətində Təlimçi ilə fikir mübadıləsi aparmağa, bilmədikləri, öyrənmək istədikləri mövzularda sorğular aparmağı tövsiyə etmişdir.

Sonra Təlimçi Fəxrəddin Babayev benefisarları salamlamış, hazırlanmış proqram əsasında təlimə başlamışdır. 2 saat davam edən təlim zamanı yaradıcı gənclər öz şeir və hekayələri barədə söhbət açmış, təlimçi Fəxrəddin Babayevdən lazımi məsləhətləri almışlar. Çay fasiləsi zamanı benefisarlar öz şeirlərini  səsləndirmiş, təlimçi Fəxrəddin Babayev onlara lazımi məsləhətlərini vermişdir. 

Fasilədən  sonra   təlimçi  Benefisarlarla təlimi davam etdirmişdir.

"Cebheinfo.az"